Google ADS

Rusët në Gramsh, SHBA: Presim hetimet për të vënë para drejtësisë përgjegjësit

21:17 | 22 Gusht 2022
Trina Galanxhi

Ambasadorja amerikane Yuri Kim ka komentuar sërish incidentin në uzinën ushtarake të Gramshit. Nga sheshi “Skëndërbej” ku ndoqi fluturimin e dy avionëve amerikane, Kim tha për gazetarët se SHBA është përkrah Shqipërisë dhe se pret të shohë përfundimet e hetimit rreth kësaj ngjarje, protagobistë të së cilës u bën dy rusë dhe një ukrainas.

“Jemi shumë të lumtur që jemi këtu, në mes të Tiranës, në mes të Shqipërisë për fluturimin historik të dy avionëve bombardues B52. Aleanca me Shqipërinë është serioze, ne do të qëndrojmë përkrah aleatëve të NATO-s gjithmonë. E di që ka pasur disa incidente kohët e fundit, por ne jemi me ju deri në fund. Dhe presim të shohim përfundimet e hetimit dhe vënien përpara drejtësisë të atyre që janë përgjegjës”.

Prokuroria dhe Antiterrori kanë gjetur materiale, mesazhe dhe dokumente të dyshimta në telefonat e dy shtetasve rusë dhe ukrainasit të arrestuar pas incidentit në Uzinën Ushtarake të Gramshit.

 

Shpërndaje në rrjete sociale

Lajmet më të lexuara

Të ngjashme

Foto lajm